Taldyqorǵan qalasyndaǵy jaǵajai aýmaǵynan er adamnyń máiiti tabylyp, oqiǵaǵa bailanysty qylmystyq is qozǵaldy, dep habarlaidy ult.kz.
Jetisý oblystyq politsiia departamentiniń málimetinshe, qalalyq jaǵajaidan tabylǵan er adamnyń denesinde zorlyq-zombylyq belgileri anyqtalmaǵan.
Qazirgi ýaqytta oqiǵanyń sebepteri men barlyq mán-jaiyn anyqtaý úshin qajetti tergeý áreketteri júrgizilip jatyr.
Osyǵan bailanysty Jetisý oblystyq politsiia departamenti turǵyndar men óńir qonaqtaryn sý aidyndarynda qaýipsizdik talaptaryn qatań saqtaýǵa shaqyrdy.
«Shomylý kezinde alkogoldik ishimdik ishpeńizder, arnaiy jabdyqtalǵan ári qaýipsiz aimaqtardan tys jerde sýǵa túspeńizder. Sý aidyndaryndaǵy qaýipsizdik erejelerin qatań saqtap, ózińiz ben jaqyndaryńyzdyń qaýipsizdigine jaýapkershilikpen qarańyzdar», – dep eskertti vedomstvo.
