Foto: elements.envato.com
Taldyqorǵanda tanysyna zorlady dep jala japqan áiel jazalandy, - dep habarlaidy Tengrinews.kz tilshisi Jetisý oblysy PD baspasóz qyzmetine silteme jasap.
2020 jyldyń qyrkúieginde Taldyqorǵan qalasynyń politsiia qyzmetkerlerine 29 jastaǵy jergilikti turǵyn aryzdanyp, ózine jábir kórsetti degen tanysyna shara qoldanýdy talap etken. Derek boiynsha tergeý júrgizilip, nátijesinde aryzdanýshynyń ózine qatysty qylmystyq is qozǵalǵan.
Politseilerdiń málimetinshe, istiń barlyq mán-jaiyn zerdeleý kezinde tergeýshi aryzdanýshynyń aiǵaqtarynan birqatar sáikessizdikti anyqtaǵan. Saraptamalar nátijesinde de eshteńe anyqtalmaǵan. Keiin áiel jumysqa qabyldamaǵan tanysyna jala japqany belgili bolǵan.
"Zorlaý deregi boiynsha qylmystyq is aqyry toqtatyldy. Sodan keiin tergeý QR QK-nyń 419-baby boiynsha ótinish berýshiniń ózine qatysty, iaǵni qylmys týraly kórineý jalǵan habarlaý týraly is qozǵady. Bul fakt dáleldenip, kóp uzamai qalalyq sottyń úkimi boiynsha sottalýshy 3,5 jylǵa bas bostandyǵyn shekteý jazasyna kesildi", - dedi Taldyqorǵan PD bastyǵynyń orynbasary Shyńǵys Nurahimov.
