Taldyqorǵanda ekinshi qabattyń terezesinen qulaǵan kishkentai Arýna Qýanyshqyzy aýrýhanadan shyqty, dep habarlaidy QazAqparat tilshisi.
«Búgin Arýna aýrýhanadan shyqty. Densaýlyǵy bári jaqsy», - dedi oblystyq kópsalaly balalar aýrýhanasynyń bas dárigeri Marat Dosqaliev.
Esterińizge sala keteiik, 15 mamyr kúni Taldyqorǵanda mektep janynan ashylǵan shaǵyn ortalyqtyń ekinshi qabatynan 2 jasqa áli tolmaǵan bala qulap ketken bolatyn. Eki kún komada jatqan sábidiń terezeden qulaǵan sáti beinebaqylaý kamerasyna jazylyp qalǵan. Al balany terezege ózi aparyp shyǵarǵan tárbieshi artynsha jumystan shettetildi. Oqiǵa qaladaǵy №19 mektep-gimnaziiasynda bolǵan. Mektep direktory Qairat Sarqytovtyń aitýynsha, bala shaǵyn ortalyqqa eki kún buryn ǵana qabyldanǵan. Al terezeden qulaǵan qyzdyń ákesi sol mektepte - dene tárbiesiniń, al anasy - bastaýysh synyp muǵalimderi.
