Taldyqorǵanda jedel áreket etý arnaiy jasaǵynyń inspektory Darhan Barǵanaevty aqtyq saparǵa shyǵaryp saldy, dep habarlaidy QazAqparat.
«Almaty oblysy Politsiia departamenti qańtar aiynda bolǵan oqiǵa saldarynan qyzmettik boryshyn atqarý kezinde qaza tapqan ishki ister jáne ulttyq qaýipsizdik organdary qyzmetkerleriniń otbasylaryna, týǵan-týystary men jaqyndarynyń qaiǵysyna ortaqtasyp, kóńil aitady. Ókinishke orai, olardyń arasynda bizdiń eki áriptesimiz bar. Jedel áreket etý arnaiy jasaǵynyń inspektory Darhan Barǵanaev pen ádilet praporshigi Erbol Erjanov quqyqtyq tártipti qorǵaýdaǵy qyzmettik mindetterin oryndaý barysynda ómirin qurban etip, el aldynda bergen antyna adal ekenderin dáleldedi»,- delingen Almaty oblystyq Politsiia departamenti baspasóz qyzmetiniń habarlamasynda.
Ádilet praporshigi Erbol Erjanov ishki ister organdaryna 1999 jyly kelip, osy kezge deiin abyroimen qyzmet atqardy. Jas qyzmetkerlerge tálimger boldy.
«Ol eki bala tárbielep ósirgen ardaqty áke, antyna adal, úlgi tutarlyq qyzmetker boldy.
Politsiia leitenanty Darhan Barǵanaev ishki ister organdaryna 2011 jyly qyzmetke kelgen. Qyzmet atqarý kezinde ol únemi óziniń kásibi sheberligin arttyryp, qaýipsizdikti jaqsartýǵa umtyldy.
Erlikpen qaza tapqan eki qyzmetker de qaitys bolǵannan keiin QR Prezidentiniń Jarlyǵymen «Aibyn« ordenimen marapattaldy», - dep tolyqtyrdy atalǵan vedomstvonyń baspasóz qyzmetinen.
