Taldyqorǵanda páter órtenip, 4 adam aýrýhanaǵa tústi. Onyń ekeýi — 5 jáne 6 jastaǵy balalar, dep habarlaidy "Ult aqparat".
«14 qańtarda saǵat 11:27-de Almaty oblysy TJD Taldyqorǵan qalasy, «Mýsheltoi» shaǵynaýdany, 28 úidiń tórtinshi qabatyndaǵy páter órtengeni týraly habarlama kelip tústi.
Almaty oblysy TJD qyzmetkerleri janyp jatqan páterden 4 adamdy qutqardy. Onyń ishinde eki bala boldy (1981 jylǵy er adam, 1984 jylǵy áiel adam jáne 2015, 2019 jylǵy eki bala), olar Taldyqorǵan qalasyndaǵy oblystyq jáne kópsalaly balalar aýrýhanasyna jatqyzyldy», - delingen Almaty oblystyq TJ baspasóz qyzmetiniń habarlamasynda.
Sondai-aq, TJD mamandary 15 adam, onyń ishinde 8 balany arnaiy baspaldaqpen evakýatsiialady.
«Órt saǵat 20 minýttyń ishinde sóndirildi. Qyzyl jalyn 15 sharshy metr aýmaqqa sharpyǵan. (jihaz, teledidar jáne zattar janǵan). Órt sóndirý jáne adamdardy qutqarýǵa Almaty oblysy TJD-niń 27 qyzmetkeri men 7 tehnikasy, Almaty oblysy PD-niń 10 qyzmetkeri men 4 tehnikasy, qalanyń avariialyq jáne shuǵyl qyzmetterleri jumyldyryldy.
«Órttiń shyǵý sebebi temeki shegý kezinde otty abaisyz qoldaný boldy», - dep tolyqtyrdy TDJ baspasóz qyzmetinen.
Qutqarýshylar azamattardan órt qaýipsizdigin saqtaýdy, jas balalardy eresekterdiń qaraýynsyz qaldyrmaýdy jáne tósekte temeki shekpeýdi eskertedi.
