Taldyqorǵanda oqýshylar jumysy toqtap turǵan zaýyt mańynan qarý-jaraq pen oq-dáriler taýyp aldy - dep habarlaidy Polisia.kz.
"Taldyqorǵan qalasynyń mektep oqýshylary zaýyt mańynan atys qarýy men oq-dárilerdi tapty. Oqiǵa ornyna kelgen politsiia qyzmetkerleri 2 PM (Makarov tapanshasy) jáne 30-dan asa patron tárkiledi. Qarýdyń atýǵa jaramdylyǵyn tekserý úshin saraptamaǵa jiberildi. Azamattyq boryshyn kórsetken sanaly jasóspirimderdi qalalyq politsiia basshylyǵy gramotalarmen jáne estelik syilyqtarmen marapattady", - delingen politsiia habarlamasynda.
Sonymen qatar, tártip saqshylary balalardyń ata-analaryna alǵys bildirdi.
"Oblys politseileri atys qarýy men oq-dárilerdi óz erkimen tapsyrǵan azamattardyń áreketinde basqa qylmystar bolmasa, qylmystyq jaýapkershilikten bosatylatynyn eske salady. Bul rette adamdy qamaýǵa alý kezinde, sonymen qatar olarǵa anyqtaý jáne tergeý áreketterin júrgizý barysynda alynǵan qarý "óz erkimen tapsyrý" dep tanylmaitynyn eskeretedi", - delingen habarlamada.
