Taldyqorǵanda koronavirýs boiynsha epidemiologiialyq jaǵdaiǵa bailanysty mektepter men gimnaziialarda onlain oqytý aǵymdaǵy jyldyń 21 qańtaryna deiin uzartyldy, dep habarlaidy "Ult aqparat".
Almaty oblysynyń bas memlekettik sanitarlyq dárigeriniń 2021 jylǵy 8 qańtardaǵy qaýlysymen 300 oqýshyǵa deiingi qalalyq jáne aýyldyq mektepterde synyptardaǵy balalar sany 15 adamnan aspaityndai dástúrli formatta oqýǵa ruqsat etiledi. Taldyqorǵan qalasynyń Bas memlekettik sanitarlyq dárigeriniń 8 qańtardaǵy №1 qaýlysyna sáikes, óńirdegi epidemiologiialyq jaǵdaiǵa bailanysty Taldyqorǵan qalasynyń mektepteri men gimnaziialarynda onlain oqytý taǵy 10 kúnge uzartyldy. Iaǵni Taldyqorǵan qalasynyń kezekshi jáne bitirýshi (9,11,12) synyp oqýshylary úshin dástúrli formatta oqý 21 qańtarda bastalady«, - dedi Almaty oblysy sanitarlyq-epidemiologiialyq baqylaý departamenti basshysynyń orynbasary Ashat Sharapiev. Sonymen qatar ata-analardyń ótinishi boiynsha, 1-5 synyptarda kezekshi synyptaryn ashý (15 balaǵa deiin) 402 mektepte uiymdastyrylǵan.
Jalpy, oqý jylynyń basynan beri oblys oqýshylary arasynda COVID-19 zerthanalyq rastalǵan 279 jaǵdai tirkelgen, onyń ishinde 20 - kúndizgi, 259 - qashyqtyqtan oqityndar arasynda.
