sýret ashyq derekkózden alyndy
Taldyqorǵanda Almaty jáne Jetisý oblystarynda áreket etken qarjy piramidasynyń uiymdastyrýshysy sottaldy, - dep habarlaidy "Ult aqparat".
Taldyqorǵan qalalyq sotynda qarjy piramidasyn qurý jáne basqarý týraly qylmystyq is qaraldy (QR QK-ny 217-baby, 3-bóligi). Oblys turǵyny 2018 jyly Q halyqaralyq kompaniiasy saitynda tirkelip, táýelsiz ókil sertifikatyn alǵan.
2019 jylǵy qazannan bastap Jetisý jáne Almaty oblystary aýmaǵynda qatysýshylardy qarjylyq piramidaǵa tartyp, Q-da tirkelý úshin 690-nan 860 myń teńgege deiin jarna salýdy talap etedi. Sonymen qatar, qatysýshylarǵa aptasyna 200 dollar tóleýge ýáde berildi. Dividendter shynymen de qarjylyq piramidaǵa jańadan qosylǵan qatysýshylardan tólengen.
Piramidaǵa barlyǵy 76 azamat tirkelip, qatysýshylardyń jalpy shyǵyny 61 million teńge bolǵan.
Sot jaza taǵaiyndaý kezinde asyraýynda eki kámeletke tolmaǵan balasynyń bolýy, birinshi ret qylmys jasaýy jáne aýyrlatatyn mán-jailardyń joqtyǵy túrindegi jaýaptylyqty jeńildetetin mán-jailardy eskeredi. Sottalýshy kináli dep tanylyp, oǵan alty jyl merzimge bas bostandyǵynan aiyrý jazasy taǵaiyndaldy. Jábirlenýshilerdiń azamattyq talaptary qanaǵattandyrylǵan.
