Taldyqorǵanǵa qarasty Erkin aýylynda gaz ballon jarylysynan jarylysynan zardap shekken 4 naýqasqa sanaviatsiia arqyly Almatydan arnaiy maman jetkizildi, dep habarlaidy "Ult aqparat".
«Qazirgi ýaqytta Taldyqorǵan qalalyq kópsalaly aýrýhanada jatqan 4 patsienttiń jaǵdaiy óte aýyr. Aýrýhanaǵa túsken sátten bastap dárigerlermen 4 konsiliým ótkizildi. Respýblikalyq sanaviatsiia arqyly Almatydan jetekshi travmatolog-kombýstiolog keldi. Barlyq meditsinalyq uiymdar qajetti dári-dármekter jáne meditsinalyq tehnikamen qamatamsyz etilgen», - dedi Almaty oblystyq densaýlyq saqtaý basqarmasy baspasóz qyzmetiniń hatshysy Láilim Áýbákirova.
Resmi ókildiń málimetinshe, jaǵdai Almaty oblysynyń ákimi Amandyq Batalovtyń jeke baqylaýyna alynǵan.
Esterińizge sala keteiik, Taldyqorǵanǵa qarasty Erkin aýylynda jer úilerdiń birinde gaz ballon jarylyp, 8 adam zardap shekti.
Tótenshe jaǵdailar qyzmetiniń boljamy boiynsha, ballon peshtiń janynda turǵan.
Jarylysqa osy jaǵdai sebep bolýy múmkin.
Zardap shekken 8 adam jedel túrde Taldyqorǵandaǵy 3 aýrýhanaǵa jetkizildi. Onyń tórteýiniń jaǵdaiy óte aýyr.
