Taldyqorǵanda er adam burynǵy súiiktisine shabýyl jasap, tamaǵyn kesip jibergen, sondai-aq qolyna jaraqat salǵan. Jantúrshigerlik oqiǵa týraly derek áleýmettik jelilerde paida boldy, - dep habarlaidy "Ult aqparat".
Taraǵan aqparatqa sáikes, oqiǵa 27 qazanda qaladaǵy sulýlyq salondarynyń birinde bolǵan. 28 jastaǵy qyzǵa burynǵy jigiti shabýyl jasaǵan.
Oqiǵa beinebaqylaý kamerasyna túsip qalǵan. Kadrlardan er adamnyń qyzdy jerge qulatyp, tunshyqtyryp jatqanyn kórýge bolady. Osydan keiin ol ústelden keńse pyshaǵyn alyp, qyzdy jaraqattai bastaidy. Pyshaqpen birneshe soqqy jasaǵannan keiin er adam oqiǵa ornynan ketip qalady.
Aita keteiik, atalǵan azamat zardap shekken qyzdy buǵan deiin de uryp-soqqan, biraq qyz keshirip júrgen. Al biyl qazanda Taldyqorǵan qalalyq soty er adamǵa qyzǵa jaqyndaýǵa tyiym salǵan. Degenmen bul sharalar ony toqtatpaǵan. Ol qyzdy ańdýyn jalǵastyrǵan.
IIM baspasóz qyzmetiniń málimetinshe, Taldyqorǵan politseileri qyzǵa keńse pyshaǵymen shabýyl jasaǵan kúdiktini ustady.
"Jábirlenýshiniń 35 jastaǵy tanysy qazirgi ýaqytta politsiiaǵa jetkizildi.
Tergeýshi isti QR QK 24-babynyń 3-bóligi, 99-babynyń 2-bóligi (adam óltirýge oqtalý) boiynsha qaita dárejelep, prokýrormen kelisildi. Tergeýdi oblystyq politsiia departamenti erekshe baqylaýǵa aldy" - delingen habarlamada.
