Taldyqorǵanda kólik ishinen er adamnyń máiiti tabyldy, - dep habarlaidy "Ult aqparat" Polisia.kz Telegram arnasyna silteme jasap.
"13 jeltoqsanda Taldyqorǵan qalasynyń Kóktem shaǵyn aýdanynda ózine tiesili Toyota Hilux Pick kóliginiń ishinen 47 jastaǵy jergilikti turǵynnyń máiiti tabyldy. Boljam boiynsha er adam atys qarýyn qoldanyp, ózine qol jumsaǵan" - delingen habarlamada.
Derek boiynsha qajetti saraptamalardy taǵaiyndaýmen sotqa deiingi tergeý amaldary bastalǵan. Onyń barysynda barlyq mán-jailar anyqtalady.
Aita keteiik, "QazAgroQarjy" AQ marqumnyń Almaty filialynyń eks-direktory Erjan Ýstaev ekenin rastady.
"QazAgroQarjy" AQ ujymy Erjan Ýstaevtyń týǵan-týystary men jaqyndaryna qaiǵylaryna ortaqtasyp kóńil aitady. Erjan Ýstaev bizdiń kompaniiada 21 jyldan astam eńbek etip, Jetisý óńiriniń (Almaty oblysy) aýyl sharýashylyǵy salasynyń damýyna zor úles qosty. Biz Erjandy janashyr, shynshyl adam retinde bildik", - delingen habarlamada.
Ashyq aqparat kózderine súiensek, Erjan Ustaev 1975 jyly Jambyl oblysy Jýaly aýdanynda dúniege kelgen. 4 qyrkúiekte ol 47 jasqa toldy.
