تالدىقورعاندا كٶلٸك ٸشٸنەن ەر ادامنىڭ مەيٸتٸ تابىلدى, - دەپ حابارلايدى "ۇلت اقپارات" Polisia.kz Telegram ارناسىنا سٸلتەمە جاساپ.
"13 جەلتوقساندا تالدىقورعان قالاسىنىڭ كٶكتەم شاعىن اۋدانىندا ٶزٸنە تيەسٸلٸ Toyota Hilux Pick كٶلٸگٸنٸڭ ٸشٸنەن 47 جاستاعى جەرگٸلٸكتٸ تۇرعىننىڭ مەيٸتٸ تابىلدى. بولجام بويىنشا ەر ادام اتىس قارۋىن قولدانىپ, ٶزٸنە قول جۇمساعان" - دەلٸنگەن حابارلامادا.
دەرەك بويىنشا قاجەتتٸ ساراپتامالاردى تاعايىنداۋمەن سوتقا دەيٸنگٸ تەرگەۋ امالدارى باستالعان. ونىڭ بارىسىندا بارلىق مەن-جايلار انىقتالادى.
ايتا كەتەيٸك, "قازاگروقارجى" اق مارقۇمنىڭ الماتى فيليالىنىڭ ەكس-ديرەكتورى ەرجان ۋستاەۆ ەكەنٸن راستادى.
"قازاگروقارجى" اق ۇجىمى ەرجان ۋستاەۆتىڭ تۋعان-تۋىستارى مەن جاقىندارىنا قايعىلارىنا ورتاقتاسىپ كٶڭٸل ايتادى. ەرجان ۋستاەۆ بٸزدٸڭ كومپانييادا 21 جىلدان استام ەڭبەك ەتٸپ, جەتٸسۋ ٶڭٸرٸنٸڭ (الماتى وبلىسى) اۋىل شارۋاشىلىعى سالاسىنىڭ دامۋىنا زور ٷلەس قوستى. بٸز ەرجاندى جاناشىر, شىنشىل ادام رەتٸندە بٸلدٸك", - دەلٸنگەن حابارلامادا.
اشىق اقپارات كٶزدەرٸنە سٷيەنسەك, ەرجان ۇستاەۆ 1975 جىلى جامبىل وبلىسى جۋالى اۋدانىندا دٷنيەگە كەلگەن. 4 قىركٷيەكتە ول 47 جاسقا تولدى.
