Foto: gov.kz
Almaty oblystyq sotynda Taldyqorǵan qalasy qurylys bóliminiń burynǵy bastyǵyna 300 mln teńgeden astam memlekettik qarajatty urlaǵany úshin jaza taǵaiyndaldy, dep habarlaidy "Ult aqparat".
«Oblys prokýratýrasymen qabyldanǵan sharalardyń nátijesinde Almaty oblystyq sotynda «Taldyqorǵan qalasynyń qurylys bólimi» MM burynǵy bastyǵy S. Dármenovqa qatysty aiyptaý úkimi shyqty.
2021 jyly Taldyqorǵan qalalyq sotynyń sheshimimen «MK-Buid-D» JShS basshylary Q. Meńlibaev, A. Qosmambetov memlekettik qarajatty asa iri mólsherde iemdengeni úshin kináli dep tanylyp, uzaq merzimge bas bostandyǵynan aiyryldy. Al aqsha qarajatyn aýdarý týraly qujattarǵa qol qoiǵan «Taldyqorǵan qalasynyń qurylys bólimi» MM basshysy S. Dármenov asa iri mólsherde zalal keltirgeni esepke alynbai, laýazymdyq ókilettikterdi teris paidalanǵany úshin ǵana kináli dep tanylyp, 1 jyl bas bostandyǵyn shekteý jazasyna sotty boldy. Olardyń áreketiniń saldarynan memleketke 300 million teńgeden astam somaǵa asa iri mólsherde zalal keltirildi», - delingen oblystyq prokýratýra habarlamasynda.
Sondai-aq oblys prokýratýrasynyń bastamasymen Bas Prokýror Joǵarǵy Sotqa kassatsiialyq narazylyq engizip, ol tolyq kólemde qanaǵattandyrylǵan jáne S. Dármenovqa qatysty bastapqy úkimniń kúshi joiylyp, qylmystyq is oblystyq sottyń jańa qaraýyna joldanǵan.
Jańa qaraý kezinde Almaty oblystyq soty S. Dármenovty QK 28-babynyń 5-bóligi, 189-bóligi 4-tarmaǵy 2-tarmaǵymen kináli dep tanydy (senip tapsyrylǵan biýdjet qarajatyn asa iri mólsherde urlaýǵa járdemdesý). Nátijesinde onyń memlekettik qyzmette jumys isteý quqyǵy ómir boiyna shektelip, 9 jylǵa bas bostandyǵynan aiyryldy.
