فوتو: gov.kz
الماتى وبلىستىق سوتىندا تالدىقورعان قالاسى قۇرىلىس بٶلٸمٸنٸڭ بۇرىنعى باستىعىنا 300 ملن تەڭگەدەن استام مەملەكەتتٸك قاراجاتتى ۇرلاعانى ٷشٸن جازا تاعايىندالدى, دەپ حابارلايدى "ۇلت اقپارات".
«وبلىس پروكۋراتۋراسىمەن قابىلدانعان شارالاردىڭ نەتيجەسٸندە الماتى وبلىستىق سوتىندا «تالدىقورعان قالاسىنىڭ قۇرىلىس بٶلٸمٸ» مم بۇرىنعى باستىعى س. دەرمەنوۆقا قاتىستى ايىپتاۋ ٷكٸمٸ شىقتى.
2021 جىلى تالدىقورعان قالالىق سوتىنىڭ شەشٸمٸمەن «مك-Buid-د» جشس باسشىلارى ق. مەڭلٸباەۆ, ا. قوسمامبەتوۆ مەملەكەتتٸك قاراجاتتى اسا ٸرٸ مٶلشەردە يەمدەنگەنٸ ٷشٸن كٸنەلٸ دەپ تانىلىپ, ۇزاق مەرزٸمگە باس بوستاندىعىنان ايىرىلدى. ال اقشا قاراجاتىن اۋدارۋ تۋرالى قۇجاتتارعا قول قويعان «تالدىقورعان قالاسىنىڭ قۇرىلىس بٶلٸمٸ» مم باسشىسى س. دەرمەنوۆ اسا ٸرٸ مٶلشەردە زالال كەلتٸرگەنٸ ەسەپكە الىنباي, لاۋازىمدىق ٶكٸلەتتٸكتەردٸ تەرٸس پايدالانعانى ٷشٸن عانا كٸنەلٸ دەپ تانىلىپ, 1 جىل باس بوستاندىعىن شەكتەۋ جازاسىنا سوتتى بولدى. ولاردىڭ ەرەكەتٸنٸڭ سالدارىنان مەملەكەتكە 300 ميلليون تەڭگەدەن استام سوماعا اسا ٸرٸ مٶلشەردە زالال كەلتٸرٸلدٸ», - دەلٸنگەن وبلىستىق پروكۋراتۋرا حابارلاماسىندا.
سونداي-اق وبلىس پروكۋراتۋراسىنىڭ باستاماسىمەن باس پروكۋرور جوعارعى سوتقا كاسساتسييالىق نارازىلىق ەنگٸزٸپ, ول تولىق كٶلەمدە قاناعاتتاندىرىلعان جەنە س. دەرمەنوۆقا قاتىستى باستاپقى ٷكٸمنٸڭ كٷشٸ جويىلىپ, قىلمىستىق ٸس وبلىستىق سوتتىڭ جاڭا قاراۋىنا جولدانعان.
جاڭا قاراۋ كەزٸندە الماتى وبلىستىق سوتى س. دەرمەنوۆتى قك 28-بابىنىڭ 5-بٶلٸگٸ, 189-بٶلٸگٸ 4-تارماعى 2-تارماعىمەن كٸنەلٸ دەپ تانىدى (سەنٸپ تاپسىرىلعان بيۋدجەت قاراجاتىن اسا ٸرٸ مٶلشەردە ۇرلاۋعا جەردەمدەسۋ). نەتيجەسٸندە ونىڭ مەملەكەتتٸك قىزمەتتە جۇمىس ٸستەۋ قۇقىعى ٶمٸر بويىنا شەكتەلٸپ, 9 جىلعا باس بوستاندىعىنان ايىرىلدى.
