Taldyqorǵan qalasyndaǵy emdeý mekemelerinde ártúrli dene jaraqatyn alǵan 30-ǵa jýyq turǵyn em alyp jatyr, dep habarlaidy QazAqparat.
Arasynda lańkesterdiń oǵyna ushqandar da bar. Jalpy búlik bastalǵaly aýrýhanalarǵa 130-dan asa adam túsken. Basym bóligi úiine qaitaryldy.
Erkebulan Tolybaev 8 qańtarda otbasymen úiine qaityp kele jatqan kezde lańkesterge tap bolǵan. 7-8 adam kóligine oq boratqan tusta keri burylyp qasha jónelgen.
Ózine de, áieli men qyzyna da oq tigen. Jedel járdem men dárigerlerdiń shirek qimyldaýynyń arqasynda bári de aman qaldy.
Taldyqorǵan kópsalalyq jáne oblystyq aýrýhanalarda barlyǵy 30-ǵa jýyq adam em qabyldap jatyr.
Al qaqtyǵystardan keiin 150-ge jýyq adam dárigerlerdiń kómegine júgingen. Kóbiniń jaraqaty jeńil bolǵandyqtan úiine qaitaryldy.
Jansaqtaý bóliminde jatqan eki naýqastyń beti beri qarady.
«20-ǵa jýyq adam ártúrli jaǵdaimen kelip tústi. Bárine shuǵyl kómek berilgen. Der kezinde operatsiia jasalyp, ýaqytymen joǵary deńgeide meditsinalyq kómek kórsetildi», - dedi Taldyqorǵan qalalyq kópsalaly aýrýhananyń bas dárigeri Jumahan Moldaqulov.
Emdeý mekemelerine barar jolǵa blokpostar qoiylǵan.
Al aýrýhanalardyń qaýipsizdigin qamtamasyz etýge tájik-aýǵan qaqtyǵysyna qatysqan ardagerler atsalysyp jatyr.
