تالدىقورعان قالاسىنداعى ەمدەۋ مەكەمەلەرٸندە ەرتٷرلٸ دەنە جاراقاتىن العان 30-عا جۋىق تۇرعىن ەم الىپ جاتىر, دەپ حابارلايدى قازاقپارات.
اراسىندا لاڭكەستەردٸڭ وعىنا ۇشقاندار دا بار. جالپى بٷلٸك باستالعالى اۋرۋحانالارعا 130-دان اسا ادام تٷسكەن. باسىم بٶلٸگٸ ٷيٸنە قايتارىلدى.
ەركەبۇلان تولىباەۆ 8 قاڭتاردا وتباسىمەن ٷيٸنە قايتىپ كەلە جاتقان كەزدە لاڭكەستەرگە تاپ بولعان. 7-8 ادام كٶلٸگٸنە وق بوراتقان تۇستا كەرٸ بۇرىلىپ قاشا جٶنەلگەن.
ٶزٸنە دە, ەيەلٸ مەن قىزىنا دا وق تيگەن. جەدەل جەردەم مەن دەرٸگەرلەردٸڭ شيرەك قيمىلداۋىنىڭ ارقاسىندا بەرٸ دە امان قالدى.
تالدىقورعان كٶپسالالىق جەنە وبلىستىق اۋرۋحانالاردا بارلىعى 30-عا جۋىق ادام ەم قابىلداپ جاتىر.
ال قاقتىعىستاردان كەيٸن 150-گە جۋىق ادام دەرٸگەرلەردٸڭ كٶمەگٸنە جٷگٸنگەن. كٶبٸنٸڭ جاراقاتى جەڭٸل بولعاندىقتان ٷيٸنە قايتارىلدى.
جانساقتاۋ بٶلٸمٸندە جاتقان ەكٸ ناۋقاستىڭ بەتٸ بەرٸ قارادى.
«20-عا جۋىق ادام ەرتٷرلٸ جاعدايمەن كەلٸپ تٷستٸ. بەرٸنە شۇعىل كٶمەك بەرٸلگەن. دەر كەزٸندە وپەراتسييا جاسالىپ, ۋاقىتىمەن جوعارى دەڭگەيدە مەديتسينالىق كٶمەك كٶرسەتٸلدٸ», - دەدٸ تالدىقورعان قالالىق كٶپسالالى اۋرۋحانانىڭ باس دەرٸگەرٸ جۇماحان مولداقۇلوۆ.
ەمدەۋ مەكەمەلەرٸنە بارار جولعا بلوكپوستار قويىلعان.
ال اۋرۋحانالاردىڭ قاۋٸپسٸزدٸگٸن قامتاماسىز ەتۋگە تەجٸك-اۋعان قاقتىعىسىنا قاتىسقان ارداگەرلەر اتسالىسىپ جاتىر.
