Foto: Habar24
Taldyqorǵan qalasynda ashanalardyń birinde bolǵan janjal qaiǵyly jaǵdaimen aiaqtaldy. Er adam áielge pyshaq jaraqatyn salyp, ol aýrýhanada kóz jumǵan, dep habarlaidy Ult.kz.
Jetisý oblystyq politsiia departamentiniń málimetinshe, oqiǵa turmystyq janjal kezinde bolǵan. Kúdikti ustalyp, qamaýǵa alynǵan. Qazirgi ýaqytta tergeý amaldary júrgizilýde.
Qylmystyq is «adam óltirý» baby boiynsha qozǵalǵan.
Áleýmettik jelidegi derekterge sáikes, marqum 34 jasta, al kúdikti 36 jasta. Ekeýiniń arasynda telefon arqyly janjal týyndaǵan. Keiin er adam áielge baryp, oǵan birneshe pyshaq jaraqatyn salǵan.
Sondai-aq kúdiktiniń buǵan deiin de qylmystyq jaýapkershilikke tartylǵany belgili boldy. Ol densaýlyqqa qasaqana aýyr ziian keltirý jáne urlyq baptary boiynsha sottalǵan.
