Taldyqorǵannyń kireberisinde ornatylǵan «Smart» aialdama jarty jyldan beri istemei tur. Al bul aialdamanyń quny 11 million teńgege baǵalanǵan, dep habarlaidy QazAqparat tilshisi.
«Jalari dańǵylynyń boiyndaǵy smart aialdama alǵashqy kezde merdiger tarapynan úlgi retinde qoiylǵan bolatyn. Qazir sapasy men baǵasy qala ákimdigine sai kelmegendikten jabyq tur. Aialdamanyń taǵdyry qalai bolatyny belgisiz. Bul aialdamanyń quny 11 mln teńge. Qazir merdiger kompaniia ókilderimen kelissózder júrgizilip jatyr», - dedi Taldyqorǵan qalasy ákiminiń baspasóz hatshysy Daniiar Janys.
Al qazir qala ákimdigi 11 mln teńgeniń emes 8 mln teńgeniń aialdamalaryn Taldyqorǵannyń 6-y jerine ornatty. Aldaǵy ýaqytta taǵy 4-eýi qoiylady. Biraq turǵyndar 8 mln teńgeniń aialdamasy tym qymbat dep narazy.
«Baǵasy óte qymbat. Sol segiz million teńgege eki bólmeli páter alyp, muqtaj jandarǵa berse, durys bolatyn edi», - deidi taldyqorǵandyq Temirgúl Muratbekova.
Qalalyq ákimdik 2017-2018 jyldary evrostandartqa sai 50 aialdama ornatylǵanyn jetkizdi. Biyl taǵy 46-sy qoiylady dep josparlanýda. Al qarapaiym aialdamadan asa aiyrmashylyǵy joq bul avtobýs kútetin orynnyń bireýiniń quny 2 mln 800 myń teńgege baǵalanǵan.
