تالدىقورعاننىڭ كٸرەبەرٸسٸندە ورناتىلعان «Smart» ايالداما جارتى جىلدان بەرٸ ٸستەمەي تۇر. ال بۇل ايالدامانىڭ قۇنى 11 ميلليون تەڭگەگە باعالانعان, دەپ حابارلايدى قازاقپارات تٸلشٸسٸ.
«جالاري داڭعىلىنىڭ بويىنداعى سمارت ايالداما العاشقى كەزدە مەردٸگەر تاراپىنان ٷلگٸ رەتٸندە قويىلعان بولاتىن. قازٸر ساپاسى مەن باعاسى قالا ەكٸمدٸگٸنە ساي كەلمەگەندٸكتەن جابىق تۇر. ايالدامانىڭ تاعدىرى قالاي بولاتىنى بەلگٸسٸز. بۇل ايالدامانىڭ قۇنى 11 ملن تەڭگە. قازٸر مەردٸگەر كومپانييا ٶكٸلدەرٸمەن كەلٸسسٶزدەر جٷرگٸزٸلٸپ جاتىر», - دەدٸ تالدىقورعان قالاسى ەكٸمٸنٸڭ باسپاسٶز حاتشىسى دانييار جانىس.
ال قازٸر قالا ەكٸمدٸگٸ 11 ملن تەڭگەنٸڭ ەمەس 8 ملن تەڭگەنٸڭ ايالدامالارىن تالدىقورعاننىڭ 6-ى جەرٸنە ورناتتى. الداعى ۋاقىتتا تاعى 4-ەۋٸ قويىلادى. بٸراق تۇرعىندار 8 ملن تەڭگەنٸڭ ايالداماسى تىم قىمبات دەپ نارازى.
«باعاسى ٶتە قىمبات. سول سەگٸز ميلليون تەڭگەگە ەكٸ بٶلمەلٸ پەتەر الىپ, مۇقتاج جاندارعا بەرسە, دۇرىس بولاتىن ەدٸ», - دەيدٸ تالدىقورعاندىق تەمٸرگٷل مۇراتبەكوۆا.
قالالىق ەكٸمدٸك 2017-2018 جىلدارى ەۆروستاندارتقا ساي 50 ايالداما ورناتىلعانىن جەتكٸزدٸ. بيىل تاعى 46-سى قويىلادى دەپ جوسپارلانۋدا. ال قاراپايىم ايالدامادان اسا ايىرماشىلىعى جوق بۇل اۆتوبۋس كٷتەتٸن ورىننىڭ بٸرەۋٸنٸڭ قۇنى 2 ملن 800 مىڭ تەڭگەگە باعالانعان.
