Foto:toyota-club.net
TikTok áleýmettik jelisinde QR Ishki Ister ministri Erjan Sádenovten Qazaqstan aýmaǵyna qyrkúiek aiynan keiin kirgen avtokólikterdi zańdastyrýǵa ótinish bildirgen bir top azamattyń málimdemesi jariialandy. Alaida kommentariide buǵan narazylyq tanytqandar kóp. Olar Toyota Alphard avtokóligin aidaýǵa ruqsat bermeý kerek dep otyr.
damir9986 Damo paraqshasynda "Taraz qalasy 2024" degen jazýmen jariialanǵan videoda bir top azamat Toyota Alphard avtokólikteriniń janynda málimdeme jasady.
"Qurmetti Qazaqstannyń Ishki Ister ministri Sádenov Erjan Saparbekuly myrzaǵa úndeýimizdi joldaimyz! Qazaqstan aýmaǵyna qyrkúiek aiynan keiin kirgen avtokólikterdi zańdastyryp berýin suranamyz jáne soǵan deiin sol kólikterdiń erkin, zańdy qozǵalýy úshin saqtandyrý polisyn berýge ruqsat suraimyz", -deidi olar.
Degenmen, videoǵa jazylǵan pikirlerde: "Sońǵy úsh jylda qansha adam qyrylyp qaldy Alfardtan", Ruqsat bermeńyz Alfardtarǵa qyryp bitetin boldy ǵoi azǵantai qazaqty", "Trassadan Alfardtardy alyp tastasyn Talai adamnyń ajalyna sebepker bolyp talai Fýralardy aýdardyńdar karsy baǵytqa shyǵyp", "Alfardta meniń otbasym ketti" -degen syńaily pikirler jazyldy.
