Reseidiń Túmen oblysynan joǵalyp ketken baýyrlar – 17 jastaǵy Roman men 22 jastaǵy Diananyń isine bailanysty Tailandtyń eki azamaty ustaldy, dep habarlaidy ult.kz.
Tergeý nusqasyna sáikes, kúdiktiler qylmystyń izin jasyrýǵa kómektesken. Atap aitqanda, olar Roman men Diananyń sońǵy ret mingeni baiqalǵan mopedti jerge kómip, mańyzdy aiǵaqtardy jasyrýǵa áreket jasaǵan.
Sonymen qatar, quqyq qorǵaý organdarynyń málimetinshe, ustalǵandar qylmysqa negizgi kúdikti dep tanylǵan Pong pen Thongtyń jasyrynýyna da járdemdesken.
Qazirgi ýaqytta tergeý amaldary jalǵasyp jatyr. Kúdiktilerdiń naqty qandai ról atqarǵany jáne qylmysqa qanshalyqty qatysy bary anyqtalýda.
Eske salaiyq, Túmen oblysynan iz-túzsiz joǵalǵan Roman men Diananyń joǵalýy Reseide úlken rezonans týdyrǵan bolatyn. Tergeýshiler olardyń joǵalýyna qatysty birneshe kúdiktini anyqtap, istiń barlyq mán-jaiyn tekserip jatyr.
