Tailandta reseilik aǵaiyndyny óltirdi degen kúdikpen eki adam ustaldy, dep habarlaidy ult.kz.
Tailand politsiiasy Pattaiia mańynda joǵalyp ketken reseilik aǵaiyndy – 22 jastaǵy Diana men 17 jastaǵy Roman Nazimovtardyń ólimine qatysy bar degen kúdikpen eki tai azamatyn ustady. Tergeý barysynda kúdiktiler qylmysty moiyndap, marqumdardyń máiitterin jasyrǵan jerdi kórsetken.
Aldyn ala málimet boiynsha, kúdiktilerdiń ekeýi de buryn sottalǵan aǵaiyndylar. Tergeý nusqasyna sáikes, olar aldymen Romandy atyp óltirgen, keiin Dianaǵa shabýyl jasap, onyń da ómirin qiǵan. Keiin eki máiitti ormandy aýmaqta kómip, qylmys izin jasyrýǵa tyrysqan.
Politsiia izdestirý kezinde joǵalǵandardyń mototsiklin de jerge kómilgen kúide tapqan. Dál osy aiǵaqtar kúdiktilerdi anyqtaýǵa jáne olardy ustaýǵa kómektesken.
Tergeýshilerdiń aitýynsha, qylmystyń naqty sebebi áli anyqtalyp jatyr. Qazir kúdiktilerden jaýap alynyp, qosymsha saraptamalar júrgizilýde. Quqyq qorǵaý organdary istiń barlyq mán-jaiyn anyqtaý úshin tergeýdi jalǵastyryp jatyr.
