Foto: Pexels.com
Tanymal meiramhana qyzmetkerleri kezdeisoq 200 000 battan (shamamen úsh million teńge) astam aqsha aýdaryp jibergen klientti izdestirýde, dep habarlaidy thethaiger.com.
Meiramhana Facebook paraqshasynda klientke arnap habarlama jariialady:
«Biz 3 qarasha kúni keshki 7:50-de Neua Luan Luan meiramhanasynyń Ratchaphruek filialynda keshki as ishken klientti izdeimiz. Klient artyq 2xx xxx bat somasynda aqsha aýdarǵan. Eger siz bul habarlamany kórseńiz, bizge elektrondyq poshta arqyly nemese 095-527-8298 nómirine qońyraý shalyńyz. Raqmet».
Jazba úlken qyzyǵýshylyq týǵyzyp, kóp adam klientti tabýǵa kómektesý úshin bólisti. Keibir qoldanýshylar ázildep, bul qatelikti klienttiń bailyǵynan baiqamaǵan bolýy múmkin dep boljady.
Basylymnyń habarlaýynsha, shottyń naqty somasy 2020,91 bat bolǵan, alaida klient aqshany aýdarǵan kezde, qatelikpen 202 091 bat jiberip qoiǵan.
Meiramhana qyzmetkerleri bankten kómek surap, máseleni sheshýge tyrysýda.
.jpg)