Almaty qalasynyń 29 jastaǵy turǵyny Veronika Bychkovany Tailandta kólik qaǵyp ketti. Ol aýyr dene jaraqatyn aldy. Bul týraly «Nur Otan» partiiasy Almaty qalalyq filialynyń baspasóz qyzmetine málim etti, dep habarlaidy QazAqparat.
Veronika Bychkovanyń anasy Larisa Melnikova «Nur Otan» partiiasynyń Almaly aýdandyq filialynyń qoǵamdyq qabyldaý bólimine júgindi.
Onyń aitýynsha, kólik apatynyń saldarynan onyń qyzy aýyr dene jaraqatyn alǵan, al «Interteach» saqtandyrý kompaniiasy qoldanystaǵy halyqaralyq saqtandyrý sharty boiynsha talaptardy oryndaýdan bas tartyp, týristke eshqandai járdem kórsetpegen.
Al úsh kúndik emdeý men operatsiiaǵa emhana 6 myń dollar shot shyǵardy. Qazaqstandyq týristke súiekterdi qalpyna keltirý úshin 2 shuǵyl operatsiia jasaldy, taǵy úsh operatsiia ótkizý qajet.
Alaida aýrýhanada mundai operatsiialardy júrgizý úshin mamandar men arnaiy qurylǵylar joq. Veronikany basqa klinikaǵa tasymaldaý da qiyndyq týǵyzyp otyr.
Almatyda «Nur Otan»-nyń qalalyq máslihattaǵy depýtaty Záýresh Ómirbaeva men nurotandyq, zań konsýltanttary palatasynyń múshesi Nurlan Sliamov QR SIM-ge tiisti hat joldap, kómek kórsetýge kiristi.
Sondai-aq, týristtiń barlyq qoljetimdi sharttary men meditsinalyq qujattary zertteldi.
Búgingi kúni partiianyń Almaty qalalyq filialy saqtandyrý tólemderin óndirip alý boiynsha jumysty jalǵastyrýda.
Barlyq is-sharalar senimhat pen óteýsiz negizde júzege asyrylýda.
