Midjourney
Tailand úkimeti qumar oiyndar men kazinolardy zańdastyrýǵa baǵyttalǵan zań jobasyn maquldady, - dep habarlaidy Tengrinews.kz tilshisi Bangkokpost basylymyna silteme jasap.
Premer-ministr Paetongtarn Chinavattyń aitýynsha, bul qadam týrizmdi damytýǵa, jańa jumys oryndaryn qurýǵa jáne investitsiialardy tartýǵa baǵyttalǵan.
"Zańdastyrý qoǵamdy qorǵaý quraly ǵana emes, sonymen qatar biýdjet kiristerin arttyrýdyń kózine ainalady", – dedi Paetongtarn hanym.
Úkimettiń josparyna sáikes, parlamentke usynylatyn zań jobasy qumar oiyndardy iri oiyn-saýyq keshenderinde uiymdastyrýdy qarastyrady.
Qazirgi ýaqytta Tailandta kazinolar men qumar oiyndardyń kópshiligi tyiym salynǵan. Alaida fýtbol matchtaryna stavkalar, jasyryn oiyndar men lotereialar keńinen taralǵan jáne olar arqyly úlken qarjylyq aǵyndar ótedi. Ruqsat tek memlekettik baqylaýdaǵy at jarystary men resmi lotereialarǵa qatysty.
Qumar oiyndardy zańdastyrýdy qoldaityndardyń biri – burynǵy premer-ministr ári milliarder, Paetongtarnnyń ákesi Taksin Chinavat. Ol bileýshi partiiada aitarlyqtai yqpalǵa ie.
Buǵan deiin bilik ekonomikany qoldaý maqsatynda qumar oiyndardy zańdastyrý jáne retteý boiynsha túrli bastamalar kótergen, biraq bul usynystar býddistik eldegi konservativti kózqarastaǵy halyqtyń qarsylyǵyna ushyraǵan.
Qarjy ministriniń orynbasary Djýlapan Amornvivattyń aitýynsha, jańa bastama sheteldik týristerdiń sanyn 5–10 paiyzǵa arttyryp, týrizmnen túsetin tabysty 120–220 milliard batqa deiin ulǵaitýy múmkin.
Sonymen qatar 9–15 myń jańa jumys orny qurylmaq.
.jpg)
