Foto: Tengrinews.kz
Qazaqstannyń Ýkrainadaǵy elshiliginiń keńesshi-ýákili Sergei Konovalov qansha qazaqstandyq repatriatsiia reisin kútip otyrǵanyn aitty, - dep habarlaidy Tengrinews.kz.
"Keshe Almatyǵa 175 adam, búgin Nur-Sultanǵa 124 adam keldi. Osylaisha, 300 adamdy áskeri qaqtyǵys aimaǵynan evakýatsiialadyq. Polshadaǵy qaýipsiz aimaqta áli 74 adam bar. Olardyń barlyǵy qonaqúimen qamtamasyz etilip, úshinshi reisti kútip otyr (Qazaqstanǵa. - eskert.).
Kievtegi elshilikte qyzmetkerlerdi qospaǵanda, 30 adam bar. Elshimen birge olardyń barlyǵy da tamaqpen qamtamasyz etilgen. Biraq jaqyn arada olarmen bailanys úziledi dep oilaimyz, óitkeni áli bombalap jatyr", - dedi ol jýrnalisterge Nur-Sultan áýejaiyna qonǵannan keiin.
Onyń aitýynsha, basty qiyndyq - Reseimen shekaraǵa jaqyn qalalardaǵy qazaqstandyqtardy evakýatsiialaý.
"Harkovtan 20 adam kútemiz, jaqyn arada olar evakýatsiialanady. Lvovtan da jaqyn arada taǵy 15 adam shyǵady, bul - shekaraǵa eń jaqyn aimaq. Evakýatsiia kóligi qazir óte qymbat, Lvovqa deiin jáne odan ári Katovitse shekarasyna deiin avtobýs baǵasy 10-15 myń dollarǵa deiin jetedi. Sondyqtan qazir elshilikti qamtamasyz etý jáne evakýatsiiany jalǵastyrý úshin qosymsha qarjylandyrý máselesi sheshilip jatyr", - dep túsindirdi Konovalov.
