Bilim jáne ǵylym ministrligi qosymsha tekserý jumystaryn júrgize kele, 5 joǵary oqý ornynyń litsenziiasyn ýaqytsha toqtatý týraly sheshim qabyldady, – dep habarlaidy «Ult aqparat».
«Biz buǵan deiin, elimizde 5 JOO litsenziiasynyń ýaqytsha toqtatylǵanyn habarlaǵan bolatynbyz. Búginde JOO-na qosymsha tekserý jumystaryn júrgizýdemiz, sonyń nátijesinde taǵy 5 JOO-nyń litsenziiasyn ýaqytsha toqtatý týraly sheshim qabyldadyq. Sheshimmen kelispeitin JOO-nyń zań boiynsha shaǵymdanýǵa 10 kún ýaqyty bar. Eger shaǵym túspese nemese shaǵymdanǵan jaǵdaidyń ózinde sot sheshimdi ózgertpese biz olardyń ataýlaryn jariialai alamyz. Jalpy JOO boiynsha problemalar jetkilikti. Anyqtalǵandai, 1 kýrsqa 5 stýdent qabyldansa, 4 kýrsty 150 stýdent bitirip shyǵady. Demek 2,3 kýrstarda jaýapsyz ýniversitetter oqýdan shyǵyp qalǵan stýdentterdi qabyldaidy. Memleket basshysynyń tapsyrmasyna sáikes, biz JOO-na degen talapty kúsheittik jáne joǵary bilim berý salasyn retteýdiń jańa mehanizmderi engiziletin bolady», - dedi Ashat Aimaǵambetov ministrlikte ótken baspasóz máslihatynda.
Eske salsaq, buǵan deiin biz 5 ýniversitettiń litsenziiasy bir aiǵa toqtatylǵany týraly jazdyq.
Sonymen qatar, Qazaq-orys halyqaralyq ýniversiteti men «Astana» ýniversiteti litsenziialarynan aiyrylýy múmkin ekendigin habarlaǵanbyz. Bilim ministrligi alty JOO-dan b uzýshylyqtar anyqtady.
Sondai-aq, keshe QR Prezidenti Qasym-Jomart Toqaev Diplom taratatyn kontorǵa ainalǵan JOO-larǵa qatal sharalar qabyldanýy tiis degen edi.
