بٸلٸم جەنە عىلىم مينيسترلٸگٸ قوسىمشا تەكسەرۋ جۇمىستارىن جٷرگٸزە كەلە, 5 جوعارى وقۋ ورنىنىڭ ليتسەنزيياسىن ۋاقىتشا توقتاتۋ تۋرالى شەشٸم قابىلدادى, – دەپ حابارلايدى «ۇلت اقپارات».
«بٸز بۇعان دەيٸن, ەلٸمٸزدە 5 جوو ليتسەنزيياسىنىڭ ۋاقىتشا توقتاتىلعانىن حابارلاعان بولاتىنبىز. بٷگٸندە جوو-نا قوسىمشا تەكسەرۋ جۇمىستارىن جٷرگٸزۋدەمٸز, سونىڭ نەتيجەسٸندە تاعى 5 جوو-نىڭ ليتسەنزيياسىن ۋاقىتشا توقتاتۋ تۋرالى شەشٸم قابىلدادىق. شەشٸممەن كەلٸسپەيتٸن جوو-نىڭ زاڭ بويىنشا شاعىمدانۋعا 10 كٷن ۋاقىتى بار. ەگەر شاعىم تٷسپەسە نەمەسە شاعىمدانعان جاعدايدىڭ ٶزٸندە سوت شەشٸمدٸ ٶزگەرتپەسە بٸز ولاردىڭ اتاۋلارىن جارييالاي الامىز. جالپى جوو بويىنشا پروبلەمالار جەتكٸلٸكتٸ. انىقتالعانداي, 1 كۋرسقا 5 ستۋدەنت قابىلدانسا, 4 كۋرستى 150 ستۋدەنت بٸتٸرٸپ شىعادى. دەمەك 2,3 كۋرستاردا جاۋاپسىز ۋنيۆەرسيتەتتەر وقۋدان شىعىپ قالعان ستۋدەنتتەردٸ قابىلدايدى. مەملەكەت باسشىسىنىڭ تاپسىرماسىنا سەيكەس, بٸز جوو-نا دەگەن تالاپتى كٷشەيتتٸك جەنە جوعارى بٸلٸم بەرۋ سالاسىن رەتتەۋدٸڭ جاڭا مەحانيزمدەرٸ ەنگٸزٸلەتٸن بولادى», - دەدٸ اسحات ايماعامبەتوۆ مينيسترلٸكتە ٶتكەن باسپاسٶز مەسليحاتىندا.
ەسكە سالساق, بۇعان دەيٸن بٸز 5 ۋنيۆەرسيتەتتٸڭ ليتسەنزيياسى بٸر ايعا توقتاتىلعانى تۋرالى جازدىق.
سونىمەن قاتار, قازاق-ورىس حالىقارالىق ۋنيۆەرسيتەتٸ مەن «استانا» ۋنيۆەرسيتەتٸ ليتسەنزييالارىنان ايىرىلۋى مٷمكٸن ەكەندٸگٸن حابارلاعانبىز. بٸلٸم مينيسترلٸگٸ التى جوو-دان ب ۇزۋشىلىقتار انىقتادى.
سونداي-اق, كەشە قر پرەزيدەنتٸ قاسىم-جومارت توقاەۆ ديپلوم تاراتاتىن كونتورعا اينالعان جوو-لارعا قاتال شارالار قابىلدانۋى تيٸس دەگەن ەدٸ.
