11 naýryzda Qazaqstanda taǵy 899 adamǵa koronavirýs juqqany testpen dáleldendi. 10 naýryz kúngi málimet boiynsha, 65 adamǵa koronavirýs pnevmoniiasy diagnozy qoiylǵan. 9 adam ólimi tirkelgen: 9 adam - koronavirýstan, 3 adam koronavirýs pnevmoniiasynan qaitys bolǵan dep aitylady. (Densaýlyq saqtaý ministrligi adam ólimi men koronavirýs pnevmoniiasy boiynsha eki kún burynǵy derekti jariialap keledi).
Qazaqstanda 2020 jyldyń 13 naýryzynan beri 221 669 adamnyń koronavirýs testi oń shyqqan. Basym bóligi jazylǵan. Sodan beri 2 837 adam qaitys bolǵan.
Koronavirýs juqqany testpen dáleldengen naýqastar kórsetkishi boiynsha Almaty qalasy áli alda tur. Ótken táýlikte munda 237 naýqas tirkelgen. Nur-Sultanda da júzden astam (112) naýqas qosylǵan. Qalǵan oblystar men qalalarda anyqtalǵan naýqastar júzge jetpeidi.
Aimaqtar boiynsha kórsetkishter:
Nur-Sultan qalasynda -26 124 (+112),
Almaty qalasynda - 26 708 (+237),
Shyǵys Qazaqstan oblysynda - 22 394 (+34),
Atyraý oblysynda - 17 582 (+41),
Pavlodar oblysynda - 18 363 (+52),
Qaraǵandy oblysynda - 15 965 (+68),
Aqmola oblysynda - 14 347 (+55),
Batys Qazaqstan oblysynda – 13 667 (+71),
Soltústik Qazaqstan oblysynda - 12 679 (+38),
Qostanai oblysynda - 12 973 (+49),
Almaty oblysynda - 11 443 (+76),
Shymkent qalasynda -6 319 (+9),
Jambyl oblysynda - 6 099 (+9),
Túrkistan oblysynda - 4 340 (+5),
Mańǵystaý oblysynda - 4 292 (+0),
Aqtóbe oblysynda - 4 463 (+39),
Qyzylorda oblysynda -3 911 (+4).
Bilik 2020 jyldyń 1 tamyzynan beri koronavirýs pnevmoniiasyna shaldyqqandarǵa jeke kod berip, olardy jalpy Covid statistikasyna qospai bólek eseptep keledi. Oǵan deiin qansha adamnyń atalǵan aýrý túrine shaldyqqany belgisiz. Ministrlik koronavirýs pnevmoniiasyn pnevmoniianyń jalpy túrlerinen ajyratý qiyn bolǵandyǵyn alǵa tartqan. Sońǵy málimet boiynsha, 7 aidan astam ýaqyt ishinde 49 694 adamnan koronavirýs pnevmoniiasy anyqtalǵan. 44 534 adam jazylǵan. 652 adam qaitys bolǵan.
Qazir koronavirýs pen koronavirýs pnevmoniiasynan 18 558 adam emdelip jatyr. 231 adamnyń jaǵdaiy - aýyr, 47 patsienttiń jaǵdaiy - óte aýyr, 45 adam jasandy tynys apparatyna qosylǵan.
Amerikalyq Djons Hopkins ýniversitetiniń málimetinshe, álemde 118,4 mln adamǵa koronavirýs juqqan. Shamamen 67 mln jazylǵan, 2,6 mln adam qaitys bolǵan.
