1 naýryzdaǵy jaǵdai boiynsha Qazaqstannyń 361 azamaty Ýkraina-Polsha shekarasyn kesip ótti. Shekarada taǵy 40 otandasymyz óz kezegin kútip otyr, dep habarlaidy QazAqparat.
QR syrtqy saiasi vedomstvosy taratqan málimetke sáikes, Polshadaǵy bizdiń elshilik azamattarymyzdyń shekaradan ótýin qamtamasyz etý úshin Polsha jaǵyndaǵy shekarada táýlik boiy diplomattar kezekshiligin uiymdastyrǵan.
Air Astana áýe kompaniiasynyń ekinshi evakýatsiialyq ushaǵy Nur-Sultan ýaqyty boiynsha saǵat 15.30-da Katovitse-Atyraý baǵyty boiynsha ushyp shyqty.
Atyraýǵa tehnikalyq qoný qajettiliginen keiin Nur-Sultan qalasyna ushyp ketedi. Bortta 120 eresek jáne 4 bala bar.
Budan buryn habarlanǵandai, Katovitse qalasynda QR azamattarynyń jinalýyna qarai qosymsha evakýatsiialyq reister josparlanǵan.
Qazaqstan Respýblikasynyń Syrtqy ister ministrligi qazaqstandyq azamattardy Ýkrainadan otanyna qaitarý jumysyn jalǵastyryp jatyr.
