Tabysy kúnkóris deńgeiinen tómen azamattarǵa kredit berýge tyiym salynady. Bul týraly búgin Úkimet otyrysynda Ulttyq bank tóraǵasy Erbolat Dosaev aitty, dep habarlaidy "Ult aqparat".
«Ósimpul men aiyppul mólsheriniń ulǵaiýy nátijesinde azamattardyń beresheginiń basqarylmaityn ósýine jol bermeý úshin aǵymdaǵy jyldyń sońyna deiin zańnamalyq deńgeide zańdar men zań aiasyndaǵy normativtik-quqyqtyq aktilerge qajetti túzetýler qabyldanady», - dedi ol.
Máselen, Dosaevtyń aitýynsha, merzimi ótken bereshegi 90 kúnnen asyp ketken jeke tulǵalardyń barlyq kepilsiz tutynýshylyq qaryzdary boiynsha kreditti berýmen jáne oǵan qyzmet kórsetýmen bailanysty turaqsyzdyq aiybyn, komissiialar men ózge de tólemderdi esepteýge tyiym salyndy.
«Bul azamattardy bereshektiń únemi ósip otyrǵan somasynan qorǵaýǵa múmkindik beredi. Tabysy kúnkóris deńgeiinen tómen azamattarǵa qaryz berýge tyiym salynady. Sonymen qatar, qaryz alýshyǵa boryshtyq júkteme koeffitsientin esepteý tártibin qaita qaraý, bankterdiń menshikti kapitalyna qoiylatyn qosymsha talaptar siiaqty birqatar qosymsha retteý sharalary kózdeledi. Bul kepilsiz tutynýshylyq qaryz berýge, ásirese tabysy tómen azamattarǵa qaryz berýge azyraq ekonomikalyq yntalandyrý bolady», - dedi Ulttyq bank basshysy.
