تابىسى كٷنكٶرٸس دەڭگەيٸنەن تٶمەن ازاماتتارعا كرەديت بەرۋگە تىيىم سالىنادى. بۇل تۋرالى بٷگٸن ٷكٸمەت وتىرىسىندا ۇلتتىق بانك تٶراعاسى ەربولات دوساەۆ ايتتى, دەپ حابارلايدى "ۇلت اقپارات".
«ٶسٸمپۇل مەن ايىپپۇل مٶلشەرٸنٸڭ ۇلعايۋى نەتيجەسٸندە ازاماتتاردىڭ بەرەشەگٸنٸڭ باسقارىلمايتىن ٶسۋٸنە جول بەرمەۋ ٷشٸن اعىمداعى جىلدىڭ سوڭىنا دەيٸن زاڭنامالىق دەڭگەيدە زاڭدار مەن زاڭ اياسىنداعى نورماتيۆتٸك-قۇقىقتىق اكتٸلەرگە قاجەتتٸ تٷزەتۋلەر قابىلدانادى», - دەدٸ ول.
مەسەلەن, دوساەۆتىڭ ايتۋىنشا, مەرزٸمٸ ٶتكەن بەرەشەگٸ 90 كٷننەن اسىپ كەتكەن جەكە تۇلعالاردىڭ بارلىق كەپٸلسٸز تۇتىنۋشىلىق قارىزدارى بويىنشا كرەديتتٸ بەرۋمەن جەنە وعان قىزمەت كٶرسەتۋمەن بايلانىستى تۇراقسىزدىق ايىبىن, كوميسسييالار مەن ٶزگە دە تٶلەمدەردٸ ەسەپتەۋگە تىيىم سالىندى.
«بۇل ازاماتتاردى بەرەشەكتٸڭ ٷنەمٸ ٶسٸپ وتىرعان سوماسىنان قورعاۋعا مٷمكٸندٸك بەرەدٸ. تابىسى كٷنكٶرٸس دەڭگەيٸنەن تٶمەن ازاماتتارعا قارىز بەرۋگە تىيىم سالىنادى. سونىمەن قاتار, قارىز الۋشىعا بورىشتىق جٷكتەمە كوەففيتسيەنتٸن ەسەپتەۋ تەرتٸبٸن قايتا قاراۋ, بانكتەردٸڭ مەنشٸكتٸ كاپيتالىنا قويىلاتىن قوسىمشا تالاپتار سيياقتى بٸرقاتار قوسىمشا رەتتەۋ شارالارى كٶزدەلەدٸ. بۇل كەپٸلسٸز تۇتىنۋشىلىق قارىز بەرۋگە, ەسٸرەسە تابىسى تٶمەن ازاماتتارعا قارىز بەرۋگە ازىراق ەكونوميكالىق ىنتالاندىرۋ بولادى», - دەدٸ ۇلتتىق بانك باسشىسى.
