Ekologiiaǵa zalal keltirilse, tabiǵat paidalanýshy qorshaǵan ortany bastapqy qalpyna keltirýge mindetti bolady. Bul týraly QR Ekologiia, geologiia jáne tabiǵi resýrýstar ministri Maǵzum Myrzaǵaliev málim etti, dep habarlaidy "Ult aqparat".
«Tabiǵatty paidalanýdyń qoldanystaǵy ekonomikalyq tetigi (tólem júiesi ári olardy josparlaý) tabiǵat paidalanýshylardy qorshaǵan ortanyń lastaný deńgeiin tómendetýge yntalandyrmaidy. Osyǵan bailanysty, Kodeks jobasynda 1972 jyly Ekonomikalyq yntymaqtastyq jáne damý uiymy sarapshylary tujyrymdaǵan «lastaýshy tóleidi» printsipi usynyldy», - dedi ministr Májiliste jańa Ekologiialyq kodeks jobasyn tanystyra otyryp.
Onyń sózine qaraǵanda, bul printsip lastanýdyń aldyn alýdy jáne baqylaý sharalaryn, sondai-aq qorshaǵan ortaǵa keltirilgen zalaldy qalpyna keltirý úshin jaýapkershilikti kózdeidi.
«Osylaisha, tabiǵat paidalanýshylarǵa ekologiialyq aiyppuldar tólegenshe, qorshaǵan ortaǵa keri áser etýge jol bermeitin sharalardy qabyldaý tiimdi bolatyndai jaǵdailar jasalady. Ekologiialyq ziian anyqtalǵan jaǵdaida tabiǵat paidalanýshy qorshaǵan ortany bastapqy qalpyna keltirýge mindetti bolady», - dep túiindedi Myrzaǵaliev.
