2019 jylǵy esep boiynsha elimizdegi aqbókenderdiń sany 334,4 myńǵa jetti. Bul týraly Aýyl sharýashylyǵy ministrliginiń Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet aitty, dep habarlaidy "Ult aqparat".
Qazaqstanda kiikterdiń kúileý kezeńi bastaldy. Janýarlardyń juptasý kezeńi shalǵai jerlerde bolady. Olar osy kezeńde kúshterin joǵaltyp, jyrtqyshtar men brakonerlerdiń qurbanyna ainalady.
«Kúileý kezeńinde aqbóken popýliatsiiasyn saqtaý úshin «Ohotzooprom» ÓB» RMQK inspektorlary janýarlardy qorǵaýǵa kúsh salýda, sonymen qatar orman sharýashylyǵy men janýarlar dúniesiniń aýmaqtyq inspektsiiasymen birlesip ekologiialyq zańdardyń buzylýyna jol bermeý úshin reidter júrgizdi», - dep jazdy Sáken Dáldahmet Facebook-tegi paraqshasynda.
Orman sharýashylyǵy jáne janýarlar dúniesi komiteti jergilikti turǵyndardy kúileý kezinde kiikterdi mazalamaýǵa shaqyrady.
«Bul protsess 2020 jyldyń kókteminde aqbókenniń úsh popýliatsiiasynyń sanyn kóbeitý naýqanynyń qanshalyqty sátti bolǵanyn anyqtaidy. Kiikti zańsyz aýlaý úshin 500 AEK, aqbóken men tólin zańsyz aýlaý úshin 350 AEK kóleminde aiyppul salynady, sondai-aq bas bostandyǵynan aiyrý túrindegi qylmystyq jaza qoldanylady», - deidi ol.
2019 jylǵy esep boiynsha aqbókenderdiń sany 334 400-ge jetti.
