Úkimet sheteldegi qandastarymyz yqsham ornalasqan óńirlerde olardyń ana tilinde bilim alý múmkindikterin qarastyrýy kerek. Bul týraly búgin Dúniejúzi qazaqtarynyń Quryltaiy barysynda QR Prezidenti Nursultan Nazarbaev málim etti, dep habarlaidy Ult.kz tilshisi QazAqparat agenttigine silteme jasap.
«Syrtta júrgen baýyrlarymyzdyń bir bóligi - jastar. Olar assimiliatsiiaǵa túsip, ana tilin umytyp barady. Biz buǵan ara túsýimiz kerek. Úkimet sheteldegi qandastarymyz yqsham ornalasqan óńirlerde olardyń ana tilinde bilim alý múmkindikterin qarastyrýy kerek. Qysqa merzim ishinde qazaq diasporasyn gýmanitarlyq baǵyttaǵy ádebiettermen, oqýlyqtarmen, ádistemelik quraldarmen qamtamasyz etýdi tapsyramyn. Bul onsha qiyn jumys emes. Biz óz ishimizde jasap jatyrmyz, biraz kóbeitip, aǵaiyndarǵa qol ushyn berýimiz qajet», - dep atap ótti Prezident quryltai barysynda.
Aita keteiik, Astanada Elbasy Nursultan Nazarbaevtyń qatysýymen dúniejúzi qazaqtarynyń V Quryltaiy ótip jatyr.
