ٷكٸمەت شەتەلدەگٸ قانداستارىمىز ىقشام ورنالاسقان ٶڭٸرلەردە ولاردىڭ انا تٸلٸندە بٸلٸم الۋ مٷمكٸندٸكتەرٸن قاراستىرۋى كەرەك. بۇل تۋرالى بٷگٸن دٷنيەجٷزٸ قازاقتارىنىڭ قۇرىلتايى بارىسىندا قر پرەزيدەنتٸ نۇرسۇلتان نازارباەۆ مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«سىرتتا جٷرگەن باۋىرلارىمىزدىڭ بٸر بٶلٸگٸ - جاستار. ولار اسسيميلياتسيياعا تٷسٸپ, انا تٸلٸن ۇمىتىپ بارادى. بٸز بۇعان ارا تٷسۋٸمٸز كەرەك. ٷكٸمەت شەتەلدەگٸ قانداستارىمىز ىقشام ورنالاسقان ٶڭٸرلەردە ولاردىڭ انا تٸلٸندە بٸلٸم الۋ مٷمكٸندٸكتەرٸن قاراستىرۋى كەرەك. قىسقا مەرزٸم ٸشٸندە قازاق دياسپوراسىن گۋمانيتارلىق باعىتتاعى ەدەبيەتتەرمەن, وقۋلىقتارمەن, ەدٸستەمەلٸك قۇرالدارمەن قامتاماسىز ەتۋدٸ تاپسىرامىن. بۇل ونشا قيىن جۇمىس ەمەس. بٸز ٶز ٸشٸمٸزدە جاساپ جاتىرمىز, بٸراز كٶبەيتٸپ, اعايىندارعا قول ۇشىن بەرۋٸمٸز قاجەت», - دەپ اتاپ ٶتتٸ پرەزيدەنت قۇرىلتاي بارىسىندا.
ايتا كەتەيٸك, استانادا ەلباسى نۇرسۇلتان نازارباەۆتىڭ قاتىسۋىمەن دٷنيەجٷزٸ قازاقتارىنىڭ V قۇرىلتايى ٶتٸپ جاتىر.
