Elordadaǵy №2 Baiqońyr aýdanynyń sotynda Anarbek Qarashev jáne ózge de kúdiktilerge qatysty qylmystyq is qaraldy, dep habarlaidy "Ult aqparat".
«Qarashev (buǵan deiin Syrtqy ister ministrliginiń jaýapty hatshysy qyzmetin atqarǵan) elshilik ǵimaratynyń qurylysy úshin jáne qosylǵan qun salyǵyna bólingen aqshalai qarajatty jymqyrǵany úshin aiyptaldy. Sondai-aq, ol kásipkerlerden para alǵandyǵy, aqshalai qarajatty zańdastyrǵany úshin aiyptaldy. Prokýror sot talqylaýy barysynda Qarashevtiń para alý men qarajatty zańdastyrýdaǵy aiyptan bas tartyp, aiyptyń jańa tujyrymdamasyn usyndy. Prokýrordyń mundai sheshimi sot úshin mindetti bolyp tabylady. Sot Qarashevtiń is-áreketin laýazymdyq ókilettilikti teris paidalaný dep saralady», - delingen taratylǵan habarlamada.
Sonymen qatar, Ýtembaev (Ózbekstandaǵy burynǵy elshi) Qarashevqa qylmystyq quqyq buzýshylyqqa kómekteskeni úshin aiyptaldy. Sakenova (SIM Basqarmasy sharýashylyǵynyń burynǵy direktory) kásipkerlerden para alǵandyǵy úshin aiyptaldy. Nurekenov, Jýmasanovaǵa (Basqarmanyń burynǵy qyzmetkerleri) kelesidei aiyp taǵyldy: birinshisi - ókilettilikti teris paidalanýǵa jáne para alýǵa kómektesken, ekinshisi – para alýǵa kómektesken. JShS-niń basshysy Kýtdýsov para bergendigi úshin aiyptaldy.
«Barlyq sottalýshylarǵa aiyptaý úkimi jariialandy. Sot Qarashev, Ýtembaev jáne Nurekenovtiń alǵashqy ret jaýaptylyqqa tartylyp otyrǵandyǵyn, kámeletke tolmaǵan balalarynyń bar bolýyn esepke aldy. Sakenova, Jýmasanova jáne Kýtdýsov jasaǵan is-áreketterine ókindi, aiybyn moiyndap kelgen, jan-jaqty moiyndaý túsinikterin bergen, Sakenovanyń balasy bar. Qarashev – 55 jasta, Ýtembaev – 54 jasta. Qarashev jáne Ýtembaevqa 2 jyl bas bostandyǵyn shekteý jazasy (bap sanktsiiasy 7 jylǵa deiin bas bostandyǵyn shekteý nemese bas bostandyǵynan aiyrýdy qarastyrady) taǵaiyndaldy. Nýrekenovke - 5 jyl, Sakenova, Jýmasanovaǵa 2 jyl bostandyǵynan aiyrý jazasy, al Kýtdýsovqa aiyppul túrindegi jaza taǵaiyndaldy», - dep atalyp ótken sot málimetinde.
Barlyq sottalýshylar memlekettik qyzmette qyzmet atqarý quqyǵynan ómir boiyna aiyryldy.
Úkim zańdy kúshine engen joq.
