Syrtqy ister ministrligi shet elderdegi Qazaqstan azamattarynyń zańdy quqyqtary men múddelerin qorǵaý maqsatynda «Konsýl kómek» Telegram botyn ázirlep, iske qosty, dep habarlaidy "Ult aqparat" ministrliktiń saityna silteme jasap.
«Konsýl kómektiń» negizgi maqsaty – shet elderdegi elshilikter men konsýldyq mekemelerdiń memlekettik qyzmetterdi kórsetý boiynsha aqparatty tiimdi formatta usyný jáne túsindirý.
«Eger azamatymyz Qazaqstan Respýblikasynyń shet eldegi ókildigi arqyly balanyń týý týraly kýáligin qalai alýdy, nekeni tirkeýdi nemese pasport resimdeýdiń tártibin bilmese, onda osy bot arqyly memlekettik qyzmetti alý úshin qajetti qujattardyń tizbesi men merzimderi jóninde tiisti aqparatty alýyna bolady. Sondai-aq, bot qyzmetterdi alý úshin Qazaqstannyń shet elderdegi ókildikterine barýǵa aldyn ala tapsyrys berýge múmkindik beredi», delingen habarlamada.
Ol úshin eń jaqyn konsýldyq mekeme ornalasqan memleket pen qalany tańdap, bailanys málimetterin jazyp alyp, kúni men ýaqytyn tańdaý qajet. Sodan keiin, atalǵan mekemeniń konsýldyq qyzmetkeri habarlama arqyly bron nemese ótinimin rastaidy nemese basqa bos ýaqytty usynady.
«Bot konsýldardyń azamattarmen ózara is-qimyl jasaý sapasyn jaqsartýǵa jáne kórsetiletin qyzmetter boiynsha olardyń habardar bolýyna múmkindik beredi Telegram messendjerindegi «Konsýl kómek» boty @konsul_kaz_bot siltemesi boiynsha qoljetimdi», delingen habarlamada.
