سىرتقى ٸستەر مينيسترلٸگٸ شەت ەلدەردەگٸ قازاقستان ازاماتتارىنىڭ زاڭدى قۇقىقتارى مەن مٷددەلەرٸن قورعاۋ ماقساتىندا «كونسۋل كٶمەك» Telegram بوتىن ەزٸرلەپ, ٸسكە قوستى, دەپ حابارلايدى "ۇلت اقپارات" مينيسترلٸكتٸڭ سايتىنا سٸلتەمە جاساپ.
«كونسۋل كٶمەكتٸڭ» نەگٸزگٸ ماقساتى – شەت ەلدەردەگٸ ەلشٸلٸكتەر مەن كونسۋلدىق مەكەمەلەردٸڭ مەملەكەتتٸك قىزمەتتەردٸ كٶرسەتۋ بويىنشا اقپاراتتى تيٸمدٸ فورماتتا ۇسىنۋ جەنە تٷسٸندٸرۋ.
«ەگەر ازاماتىمىز قازاقستان رەسپۋبليكاسىنىڭ شەت ەلدەگٸ ٶكٸلدٸگٸ ارقىلى بالانىڭ تۋۋ تۋرالى كۋەلٸگٸن قالاي الۋدى, نەكەنٸ تٸركەۋدٸ نەمەسە پاسپورت رەسٸمدەۋدٸڭ تەرتٸبٸن بٸلمەسە, وندا وسى بوت ارقىلى مەملەكەتتٸك قىزمەتتٸ الۋ ٷشٸن قاجەتتٸ قۇجاتتاردىڭ تٸزبەسٸ مەن مەرزٸمدەرٸ جٶنٸندە تيٸستٸ اقپاراتتى الۋىنا بولادى. سونداي-اق, بوت قىزمەتتەردٸ الۋ ٷشٸن قازاقستاننىڭ شەت ەلدەردەگٸ ٶكٸلدٸكتەرٸنە بارۋعا الدىن الا تاپسىرىس بەرۋگە مٷمكٸندٸك بەرەدٸ», دەلٸنگەن حابارلامادا.
ول ٷشٸن ەڭ جاقىن كونسۋلدىق مەكەمە ورنالاسقان مەملەكەت پەن قالانى تاڭداپ, بايلانىس مەلٸمەتتەرٸن جازىپ الىپ, كٷنٸ مەن ۋاقىتىن تاڭداۋ قاجەت. سودان كەيٸن, اتالعان مەكەمەنٸڭ كونسۋلدىق قىزمەتكەرٸ حابارلاما ارقىلى برون نەمەسە ٶتٸنٸمٸن راستايدى نەمەسە باسقا بوس ۋاقىتتى ۇسىنادى.
«بوت كونسۋلداردىڭ ازاماتتارمەن ٶزارا ٸس-قيمىل جاساۋ ساپاسىن جاقسارتۋعا جەنە كٶرسەتٸلەتٸن قىزمەتتەر بويىنشا ولاردىڭ حاباردار بولۋىنا مٷمكٸندٸك بەرەدٸ Telegram مەسسەندجەرٸندەگٸ «كونسۋل كٶمەك» بوتى @konsul_kaz_bot سٸلتەمەسٸ بويىنشا قولجەتٸمدٸ», دەلٸنگەن حابارلامادا.
