Foto: ashyq derekkóz
Ministrlik birqatar eýropalyq memleketterdiń elshilerimen shuǵyl kezdesý, sondai-aq amerikalyq tarappen bailanys jasalǵanyn alǵa tartty, dep habarlaidy Ult.kz.
«Sońǵy ýaqytta mundai oqiǵalardyń jiileýi halyqaralyq energetikalyq infraqurylymnyń qalypty jumys isteýine tónetin táýekelderdiń artyp kele jatqanyn aiǵaqtaitynyn atap ótemiz jáne seriktesterimizdi aldaǵy ýaqytta osyndai oqiǵalardyń aldyn alý maqsatynda birlesken sharalar ázirleý úshin tyǵyz ózara is-qimyl jasaýǵa shaqyramyz», - delingen málimdemede.
Aita keteiik, Qazaqstan munaiyn tasymaldaityn tankerlerge shabýyl jasalǵan edi. Reuters málimetinshe, Qazaqstan munaiyn tasymaldaýǵa tiis eki munai tankeri Kaspii qubyr konsortsiýmynyń terminaly mańynda ushqyshsyz apparattarmen shabýylǵa ushyraǵan.
Grek kompaniialary basqarǵan tankerler «Teńizshevroil» jáne Qarashyǵanaq ken oryndarynyń munaiyn tieýi kerek bolǵan.
Zardap shekkender joq, kemeler azdap zaqym alǵanymen, júzýge jaramdy kúide qaýipti aimaqtan ketken.
