Qazaqstan premer-ministriniń orynbasary – syrtqy ister ministri Muhtar Tileýberdi Reseidiń Qazaqstandaǵy tótenshe jáne ókiletti elshisi Aleksei Borodavkinmen kezdesti. Bul týraly Reseidiń Qazaqstandaǵy elshiliginiń baspasóz qyzmeti habarlady.
Borodavkin ministrdi 16 maýsymda Jenevada ótken Resei-Amerika sammitiniń qorytyndysy týraly habardar etti.
Kezdesýde sonymen qatar ekijaqty jáne halyqaralyq kún tártibiniń ózekti máseleleri talqylandy. Suhbattasýshylar Qazaqstan-Resei odaqtastyq qarym-qatynasy men integratsiialyq bailanystardy damytý týraly áńgimelesti.
Tileýberdi men Borodavkin turaqty jumys bailanystaryn jalǵastyrýǵa nietti ekendikterin rastady.
16 maýsymda Jenevada Resei prezidenti Vladimir Pýtin men AQSh prezidenti Djo Baidenniń alǵashqy kezdesýi ótti. Kelissózder úzilisti qosqanda tórt jarym saǵatqa sozyldy. Resei basshysy Baidenmen vedomstvoaralyq deńgeide strategiialyq turaqtylyq jóninde konsýltatsiialar bastaýǵa keliskenin málimdedi.
