Syrtqa zańsyz qarajat shyǵarýdyń 8 faktisi boiynsha tekserý júrip jatyr. Bul týraly QR Premer-Ministriniń orynbasary – Qarjy ministri Erulan Jamaýbaev aitty, dep habarlaidy QazAqparat.
Búgin Májilistiń jalpy otyrysynan keiin tishiler ministrden Qazaqstan aýmaǵynan shyǵarylǵan 100 mlrd dollarǵa qatysty suraq qoidy.
«100 mlrd týraly buǵan deiin aqparat taraǵan bolatyn. Atap aitqanda 100 mlrd-tyń barlyǵy jymqyrý jolymen nemese zańsyz alyp ketti degendi bildirmeidi. Jalpy, ekonomikada tranzaktsiialar, importtyq ári eksporttyq operatsiialar bolatynyn bilesizder. Sol operatsiialar - qarjy aǵyny, iaǵni bulardyń barlyǵy birdei zańsyz jolmen shyǵarylǵan nemese kelip jatqan qarajat emes», - dedi Jamaýbaev.
Osy oraida ol bul salada zań buzýshylyqtarǵa jol berilse, bul faktiler Qarjylyq monitorig agenttigine jiberiletinin aitty.
«Osyndai 8 fakti anyqtalyp, Qarjy ministrligi tarapynan jaýapty agenttikke málimetter jiberildi. Bul qarajat 400 mlrd teńge shamasynda (1 mlrd AQSh dollaryna jýyq). Ekinshi tetikke toqtalsaq, Bas prokýratýra quqyq qorǵaý organdarymen birge arnaiy top qurdy. Bul toptyń jumysy jalǵasyp jatyr. Osy baǵytta da birneshe fakti anyqtaldy, iaǵni sonda 1 mlrd AQSh dollary syrtqa zańsyz shyǵarylady degen málimet bar. Bul faktiler boiynsha naqty aqparat bere almaimyn, sebebi ony jaýapty quqyq qorǵaý organdary jariialaidy. Osy oraida qupiialyq máselelerdi eskerý kerek», - ministr.
