سىرتقا زاڭسىز قاراجات شىعارۋدىڭ 8 فاكتٸسٸ بويىنشا تەكسەرۋ جٷرٸپ جاتىر. بۇل تۋرالى قر پرەمەر-مينيسترٸنٸڭ ورىنباسارى – قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
بٷگٸن مەجٸلٸستٸڭ جالپى وتىرىسىنان كەيٸن تٸشٸلەر مينيستردەن قازاقستان اۋماعىنان شىعارىلعان 100 ملرد دوللارعا قاتىستى سۇراق قويدى.
«100 ملرد تۋرالى بۇعان دەيٸن اقپارات تاراعان بولاتىن. اتاپ ايتقاندا 100 ملرد-تىڭ بارلىعى جىمقىرۋ جولىمەن نەمەسە زاڭسىز الىپ كەتتٸ دەگەندٸ بٸلدٸرمەيدٸ. جالپى, ەكونوميكادا ترانزاكتسييالار, يمپورتتىق ەرٸ ەكسپورتتىق وپەراتسييالار بولاتىنىن بٸلەسٸزدەر. سول وپەراتسييالار - قارجى اعىنى, ياعني بۇلاردىڭ بارلىعى بٸردەي زاڭسىز جولمەن شىعارىلعان نەمەسە كەلٸپ جاتقان قاراجات ەمەس», - دەدٸ جاماۋباەۆ.
وسى ورايدا ول بۇل سالادا زاڭ بۇزۋشىلىقتارعا جول بەرٸلسە, بۇل فاكتٸلەر قارجىلىق مونيتوريگ اگەنتتٸگٸنە جٸبەرٸلەتٸنٸن ايتتى.
«وسىنداي 8 فاكتٸ انىقتالىپ, قارجى مينيسترلٸگٸ تاراپىنان جاۋاپتى اگەنتتٸككە مەلٸمەتتەر جٸبەرٸلدٸ. بۇل قاراجات 400 ملرد تەڭگە شاماسىندا (1 ملرد اقش دوللارىنا جۋىق). ەكٸنشٸ تەتٸككە توقتالساق, باس پروكۋراتۋرا قۇقىق قورعاۋ ورگاندارىمەن بٸرگە ارنايى توپ قۇردى. بۇل توپتىڭ جۇمىسى جالعاسىپ جاتىر. وسى باعىتتا دا بٸرنەشە فاكتٸ انىقتالدى, ياعني سوندا 1 ملرد اقش دوللارى سىرتقا زاڭسىز شىعارىلادى دەگەن مەلٸمەت بار. بۇل فاكتٸلەر بويىنشا ناقتى اقپارات بەرە المايمىن, سەبەبٸ ونى جاۋاپتى قۇقىق قورعاۋ ورگاندارى جارييالايدى. وسى ورايدا قۇپييالىق مەسەلەلەردٸ ەسكەرۋ كەرەك», - مينيستر.
