Aldaǵy ýaqytta Syr óńirinde «100 jańa esim» jobasynyń óńirlik nusqasyn jasaý josparlanyp otyr.
Qyzylorda oblystyq ishki saiasat basqarmasynyń basshysy Talǵat Mahanov óńirlik kommýnikatsiialar qyzmetinde ótken baspasóz máslihatynda osyndai jaǵymdy jańalyqty jetkizdi.
Eskerte ketetin bir jait, qazir joba tek respýblika deńgeiinde ǵana iske asyrylýda. Aldaǵy ýaqytta jobanyń formatyn jetildirip, ár sala boiynsha qala jáne aýdan kóleminde tabysqa jetken azamattardy anyqtaý úshin jumys jasalady. Ústimizdegi jyly oblystyq «Rýhani jańǵyrý» ortalyǵy jobaǵa qatysýshy úmitkerlerdi tirkeý jumystaryn bastap ketti.
Qazirgi tańda aimaqtyń maqtanysh tutarlyq deńgeide tabysqa jetken 13 úmitker tirkeldi. Olardyń arasynda Ilia Ilin, Elizabet Tursynbai, Ǵalymjan Báiimbet, Qamshybek Qońqabaev, Maǵjan Eraliev, Saǵatbek Qýanyshbaiuly syndy jastar bar. Byltyr aimaqta 4 azamat respýblikalyq deńgeidegi jobanyń jeńimpazy atanǵan edi. Olardyń arasynda hirýrg-dáriger Bolatbek Baimahanov, toǵyzqumalaqshy Ásel Dálieva, selektsioner-ǵalym Aleksandr Nikolaevich Podolskih jáne pedagog-psiholog Symbat Ábdirahmanova bar edi. Ótken jyly Syr óńirinen 84 azamat úmitker retinde tirkelgen bolatyn.
«Jyl boiyna atalmysh jeńimpazdar halyqpen túrli kezdesýler ótkizdi. Árbir kezdesýdiń taǵylym alarlyq tustary kóp boldy. Ras, tarihi tulǵalarǵa toly Syr óńirinen nebári 4 jeńimpaz tabysty dep tanylýy azdyq etedi. Sondyqtan jobanyń byilǵy ekinshi kezeńine barynsha belsendilikpen qatysýǵa jáne tabysty tulǵalardy tanytýymyz tiis», - dedi oblystyq «Rýhani jańǵyrý» ortalyǵynyń basshysy Nurlybek Myńjas.
