Foto: Aqorda
Memleket basshysy Ulttyq quryltaida sóilegen sózinde Qyzylordanyń damý qarqynyna jaqsy baǵa berdi, dep habarlaidy Ult.kz.
— Jalpy, «Syr eli — jyr eli» dep beker aitylmaidy. Qorqyt ata zamanynan jalǵasyp kele jatqan jyraýlyq-jyrshylyq jáne kúishilik óner bul aimaqta keń qanat jaiǵan. Jienbai, Nurtýǵan, Nartai syndy sańlaqtar negizinen qalaǵan jyrshylyq mektepterdi búkil elimiz biledi. Syr boiy naǵyz eńbek adamdarynyń mekeni. Keńes zamanynda osy aimaqtan júzge jýyq eńbek adamy shyqqan. Áigili kúrishshi Ybyrai Jaqaevty eren eńbektiń simvolyna balaidy. Aǵa býynnyń abyroily jolyn búgingi urpaq laiyqty jalǵastyryp keledi, — dedi Prezident.
Memleket basshysy sońǵy jyldary Qyzylorda oblysy zaman talabyna sai ósip-órkendep jatqanyn aitty.
— Byltyr aimaqtyń jalpy ishki ónimi 6,5 paiyzǵa ósti. 3 jylda oblysqa 2 trln teńgege jýyq investitsiia tartyldy. Byltyr 27 investitsiialyq joba júzege asyryldy. Sonyń ishinde jańa jylý elektr ortalyǵynyń iske qosylǵanyn erekshe atap ótken jón. Strategiialyq mańyzy bar bul nysan tolyǵymen investordyń qarjysyna salyndy. Jylý elektr ortalyǵy aimaqtyń energetikalyq qaýipsizdigin nyǵaita túsedi, oblys turǵyndary sapaly aýyz sýmen qamtamasyz etildi. Halyqtyń 80 paiyzy kógildir otyndy paidalanady. Eldi mekenderge gaz qubyryn tartý jumysy aldaǵy ýaqytta jalǵasa beredi, — dedi Qasym-Jomart Toqaev.
Prezidenttiń aitýynsha, aimaqtaǵy avtokólik jolynyń sapasy jaqsy jaǵdaida ekenin aitty.
— Oblystyq áýe jáne temirjoly júiesi de jańǵyrtylyp jatyr. Qorqyt ata terminalynyń jańa terminaly ashyldy. Qyzylorda qalasyndaǵy tarihi ǵimarattyń biri temirjol vokzaly kúrdeli jóndeýden ótti. Buǵan qosa, aimaqtaǵy 10 temirjol beketin jańǵyrtý bastaldy. Munyń bári oblystyń logistikalyq áleýetin arttyra túsedi, — dedi Prezident.
Sondai-aq Prezident Qyzylorda oblysynyń ár aýylyndaǵy tazalyqty maqtady.
— Búgingi basqosýǵa Syr eliniń azamattary qatysyp otyr. Olardyń ishinde ardagerler, ziialy qaýym ókilderi, qoǵam belsendileri, kásipkerler jáne jastar bar. Osy oraida jergilikti halyqtyń eńbekqorlyǵy men uiymshyldyǵyn atap ótkim keledi. Men Syr eli jurtshylyǵynyń boiynan týǵan jerge degen súiispenshilikti, qamqorlyq pen janashyrlyqty, naǵyz otanshyldyqty kóremin. Oblys ortalyǵymen qatar, ár aýyldyń tazalyǵy kóz tartady, — dedi Qasym-Jomart Toqaev.
Osy oraida Prezident Naǵi Iliiasov jáne Tań aýyldaryn búkil elge úlgi retinde únemi aityp júretinin atap ótti.
— Sizder osy aimaqpen qatar kúlli elimizdiń damýyna úles qosyp kelesizder. Bir el, bir halyq bolyp jumyla bilgenniń arqasynda ótken jyldy mol tabyspen aiaqtadyq, — dedi Memleket basshysy.
