Memleket Basshysynyń bes áleýmettik bastamasyn iske asyrýdy baqylaý boiynsha qoǵamdyq keńes ókilderi Syr óńirinde bolyp, aimaqta salynyp jatqan birqatar nysandar jumysyn nazarǵa alǵany belgili.
Prezidenttiń 5 áleýmettik bastamasynyń 5-baǵyty boiynsha alǵashqy kezekte turǵan «Qyzylorda-Jezqazǵan-Qaraǵandy-Temirtaý-Astana» gaz magistraliniń qurylysy qarqyn almady.
Qoǵamdyq keńes tóraǵasy Baqytjan Jumaǵulov bastaǵan jumys toby Qyzylorda oblysyna sapary kezinde Astanaǵa kógildir otyn jetkizetin magistraldiń qaqpasy sanalatyn «Qaraózek» joǵary tehnologiialyq gaz kompressorlyq stansanyń qýattylyǵyna kóz jetkizdi.
Astanaǵa kógildir otyn «Qaraózek» kompressorlyq stansasy arqyly jetkiziledi. Stantsiianyń iske qosylýy jańa múmkindikterge jol ashty. «Beineý-Bozoi-Shymkent» magistarldy gaz qubyrynyń ótkizgishtik qabileti 10 mlrd tekshe metrge artty. Bul qubyrdyń jalpy uzyndyǵy 1534 shaqyrym bolsa, sonyń 180-i Qyzylorda oblysynyń aýmaǵynda.
Al «Qyzylorda-Astana» magistarldy gaz qubyrynyń uzyndyǵy – 1081 shaqyrymdy quraidy. Atalǵan magistarldy gaz qubyrynyń qurylysy aldaǵy qazan aiynda bastalady.
Sondai-aq, 5 áleýmettik bastamany iske asyrý týraly ortalyq atqarýshy organdardyń basshylary josparlanǵan sharalar jóninde baiandady.
QR Energetika ministrliginiń departament direktory Ziiash Qiiaqbaevtyń aitýy boiynsha, Elbasy tapsyrmasyna sáikes, 2019 jyldyń aiaǵyna deiin atalǵan joba qurylysyn aiaqtaý qajet.
Naqty kezeńde onyń joba-smetalyq qujat jasalyp, memlekettik saraptamaǵa usynylǵan. Osy tamyz aiynyń ishinde qorytyndy sheshim shyǵarylyp, merdiger mekemeler tańdalady. Al, qazan aiynda gaz qubyrynyń qurylysy qarqyn alady dep kútilýde.
Al 2020 jyly qubyr boiyndaǵy eldi mekender men Jezqazǵan, Qaraǵandy jáne Temirtaý qalalary kógildir otynǵa qosylady dep josparlanýda.
