Túrkistan oblysy Shubarsý eldi mekeninde mektep bitirgenine 20 jyl bolǵan synyptastar jalǵyzbasty kópbalaly anaǵa baspana syilady. Qýanyshty sáttiń videosyn akter Madiiar Serikbaev Instagram-da jariialady, - dep habarlaidy Tengrinews.kz tilshisi.
Biyl Túrkistan oblysy Shubarsý eldi mekeniniń 1985 jyly týǵan jastary 20 jyldyq kezdesý uiymdastyrdy.
"Asqaq armanyn arqalap úlken qalaǵa ketken ár túlek, týǵan jerdiń, aýyldyń jaǵdaiyna únemi alańdap júredi. Biylǵy 20 jyldyq kezdesýde bir muqtaj otbasyna baspana syilady", - dep jazdy akter.
Madiiar Serikbaev Lýiza Sadyqova degen jalǵyzbasty, kópbalaly anaǵa úi berilgenin habarlady.
"Bir balasy qatarynan qalyp, aqyl-esi damymai qalsa, endi bir balasy internatta oqidy. Balalardyń tuńǵyshy 12 jasta eken.
Taǵdyr taýqymetin keship, osy kúnge deiin joqqa sabyr, azǵa qanaǵat etken ana baspanaly bolyp, qatty qýandy", - deidi ol.
Videodan qýanyshty sátti bólisip, kilt tabystaýǵa Nurjan Tólendiev kelgenin kórýge bolady. Ol kadrlarda baspanany mektep támamdaǵanyna 20 jáne 30 jyl tolǵan túlekter men "Hareket" qory birlesip syilaǵanyn aitady.
Madiiar Serikbaev sazger Asan Perdeshov bastaǵan aýyl túlekteri men jomart jandarǵa alǵys aitty.
