Shymkentte túnde úiinen shyǵyp ketken eki kishkentai balany patrýldik politsiia qyzmetkerleri kósheden taýyp, ata-anasyna aman-esen tapsyrdy, dep habarlaidy ult.kz.
IIM málimetinshe, túngi kezekshilik kezinde patrýldik politsiia qyzmetkerleri kóshede eresekterdiń qaraýynsyz júrgen eki búldirshindi baiqap qalǵan.
Tártip saqshylary balalardy patrýldik kólikke otyrǵyzyp, «102» arnasy arqyly olardyń ata-anasy izdep jatqanyn anyqtaǵan.
Kóp uzamai politseiler ata-analarymen bailanysyp, balalardy úiine jetkizdi.
Balalarynyń aman tabylǵanyna qýanǵan ata-analar politsiia qyzmetkerlerine alǵysyn bildirdi.
Oqiǵadan keiin politseiler ata-analarmen profilaktikalyq áńgime júrgizip, balalardy qaraýsyz qaldyrmaýdyń jáne olardyń qaýipsizdigine jaýapkershilikpen qaraýdyń mańyzyn túsindirdi.
Politsiia ata-analardy balalardyń qaida júrgenin únemi baqylap, olardyń qaýipsizdigine muqiiat bolýǵa shaqyrdy.
