Shymkentte «Qarasora – 2026» jedel-profilaktikalyq is-sharasy aiasynda sintetikalyq esirtki ótkizdi degen kúdikpen eki adam ustaldy, dep habarlaidy ult.kz.
Polisia.kz málimetinshe, politsiia qyzmetkerleri júrgizgen jedel is-shara barysynda er adam ustalyp, odan shamamen 2 keli mefedron tárkilendi. Sondai-aq tintý kezinde esirtkini ólshep, oraýǵa arnalǵan elektrondy tarazy men zip-lock paketteri tabylǵan.
Sol is-shara aiasynda sintetikalyq esirtki ótkizdi degen kúdikpen taǵy bir qala turǵyny ustaldy. Tintý barysynda áielden jalpy salmaǵy 200 gramnan asatyn esirtki salynǵan tórt paket tárkilendi.
Atalǵan faktiler boiynsha qylmystyq ister qozǵalyp, kúdiktiler qamaýǵa alyndy. Qazir tergeý amaldary júrgizilip, istiń barlyq mán-jaiy anyqtalyp jatyr.
Politsiia esirtki jáne psihotroptyq zattardy zańsyz ótkizý qylmystyq jaýapkershilikke ákep soǵatynyn eskertti. Quqyq qorǵaý organdary esirtkiniń zańsyz ainalymyna qatysty quqyq buzýshylyqtardy anyqtaý jáne olardyń jolyn kesý jumystaryn jalǵastyryp jatyr.
