Shymkentte er adamdy ekskavatordyń basyp ketýine bailanysty qylmystyq is qozǵaldy, dep habarlaidy ult.kz.
Áleýmettik jelide taraǵan aqparatqa sáikes, 54 jastaǵy er adam Báidibek bi men Tólemetov kósheleriniń qiylysyndaǵy jol qurylysynda jumys istegen. Ol aýyr jaraqat alyp, aýrýhanaǵa jetkizilgen. Alaida dárigerler onyń ómirin saqtap qala almady.
Shymkent qalalyq politsiia departamenti abaisyzda adam ólimine ákep soqqan eńbekti qorǵaý qaǵidalaryn buzý faktisi boiynsha qylmystyq is qozǵady.
"Qazirgi ýaqytta oqiǵanyń barlyq mán-jaiyn jan-jaqty, tolyq ári obektivti anyqtaýǵa baǵyttalǵan qajetti tergeý áreketteri júrgizilip jatyr", – dep habarlady politsiia.
Tergeý nátijesi boiynsha protsessýaldyq sheshim qabyldanady.
